Back بين فوتييه Arabic بين فوتييه ARZ Ben Vautier Catalan Ben Vautier German Ben Vautier English Ben Vautier Esperanto Ben Vautier Spanish Ben Vautier Basque Ben (artiste) French Ben Vautier Hungarian
Benjamin Vautier, pe Ben, a oa un arzour ar gweled gall ha suis, bet ganet d'an 18 a viz Gouere 1935 e Napoli ha marvet d'ar 5 a viz Even 2024 e Nisa. Mab-kuñv d'al livour suis Benjamin Vautier (1829–1898) e oa.
Brudet e voe kerkent ha dibenn ar bloavezhioù 1960, a-drugarez d'e « skriturioù » peurgetket, displeget e doareoù a bep seurt. Un arzour goude-modern anezhañ, emezelañ a reas el luskad Fluxus goude endevout kejet ouzh an arzour George Maciunas e Londrez e miz Here 1962.
Difenn a rae ar minorelezhioù en holl vroioù, a-du e oa gant Okitania dieub ha Tibet dieub, da skouer.
Diskouezet eo e oberennoù en ur bern mirdioù ha dastumadoù dre ar bed, en o zouez e Mirdi Arz Modern New York (MOMA) ha Kreizenn Georges Pompidou e Pariz. Savet e voe un diskouezadeg vras anezhañ e 2022 gant Mirdi Skol-veur Arz a Vremañ Mec'hiko.